D’AGB-Fasnachtsclique (Alti Garde, basst) het d’Langläbigkeit oder modärner Longevity (s’Ghaimnis vom lenger läbe) als Sujet. Nätterwys hänn si ihri Latärne grad vor unser Hus ufgstellt, s’passt jo prima zu unserem Thema. S’goht unter Aktuarielles.
Unde hets no meh Helge. S’brucht aber starggi Närve.
D› Schnoogekerzli hets au mit de’n Alte, wo nid alt wänn wärde.
E Bligg uf dr Medizinkaschte vo de 70-plus. Mit Debiliron, Necroxan, Eternaltin, Gerontosan und Finizac Contra isch alles drby wo me brucht, um d› AHV z’schädige.
Dr Ritter hänn sie au schon druff, dr Verlierer. Samt «Mischt»-Gable.
Madonna. Oh je!
Die anderi Syte vo dr Latärne. S’nutzt alles nyt. D’Uhr tickt!
Au d’Beatles göhn am Stock. Wenigschtens die, wo no läbe.
Tschüss zämme bis zum nägschte Johr. Falls mr’s schaffe und Glück hänn …
